Saturday, July 3, 2010

Fáilte roimh Localbooks

Chuala mé inniu go bhfuil siopa leabhar nua ag na daoine a bhfuil 'Litríocht.com' acu. 'Localbooks' is ainm don siopa.

Seo chugaibh a n-aidhm ina bhfocail féin --

"Fáilte chuig ár siopa nua! Táimíd dírithe ar leabhair a dhíol a bhaineann leis na ceantracha áitúil in Éirinn. Bionn siad seo scríofa ag daoine áitúil de ghnáth, agus go dtí seo, , is beag scaipeadh atá déanta orthu. Sé ár n-aidhm, “Gach leabhar áitúil i gcló” a chur ar fáil don margadh domhanda. Má tá aon tuairimí nó moltaí agat, nó aon eolas faoi aon leabhair breise, déan teagmháil linn le do thoil ag úsáid an cnaipe faoí chlár na gcatagóirí."

Seo chugaibh a suíomh ar an idirlíon. Ní fógra trádálach é seo ach giota beag faisnéise. http://www.localbooks.ie/shop/

Drotárie -- Tincéirí Eile

Na blianta o shin, dúirt mo sheanathair liom go tháinig a athair as Trencin sa Slovakia agus go raibh sé ina thincéir a chuaigh ar fud na hEorpa, ach níor thuig mé brí leis an bhfocal 'tinker'.
Fuair mé cóip den fhógra bás mo sheanseanathar le déanaí. Foilsíodh sna tríochaidí i Chicago é, sa teanga Slóvacach.
Le cabhair seanfhoclóra, d'éirigh mé cuid den fhógra a aistriú. Mar gheall ar imeachtaí stair na hEorpa, tháinig aistriú ar teorainn an cheantair Trencin thar na blianta. Mar sin, b'éigean dom léamh trí liostaí fada de logainmneacha ar an idirlíon. Obair chasta a bhi ann, mar tá seanlogainm Ungárach nó Gearmánach chomh maith le ainm Slóvacach ag cuid mhór de na bailte beaga.
Sa deireadh, d'aimsigh me an baile, agus iontas na n-iontas, bhí an áit sin lán de thincéirí sna 18ú agus 19ú aois. Lucht ceirde oilte a bhí sna tincéirí Slóvacacha. Bhí cead acu taistil ar fud na hEorpa. Rinne siad uirlisí tí as stán agus sreang mhiotail. Fuair me an pictiúr thuas on suíomh idirlíon den bhaile Vel'ké Rovné, áit ar rugadh mo sheanseanathair. Má tá suim agat sna tincéiri seo ('drotárie', an focal Slóvacach atá orthu), gheobhaidh tú a thuilleadh eolais anseo --